જનતા માધ્યમિક શાળાનો ખાસ પ્રસંગ: મા સરસ્વતીનું અનાવરણ  14મી ડિસેમ્બર, 2024: જનતા કેળવણી મંડળ સંચાલિત જનતા માધ્યમિક શાળાના કેમ્પસમાં આજે ઐતિહાસિક પ્રસંગ નિમિત્તે મા સરસ્વતીની મૂર્તિનું અનાવરણ કરવામાં આવ્યું. આ પ્રસંગે પ્રમુખશ્રી અરવિંદભાઈ પટેલ અને તેમના ધર્મપત્ની શ્રીમતી વનુબેન પટેલના સૌજન્યથી આ શુભ કાર્ય સાકાર થયું.તેઓ સમાજિક કાર્ય હોય કે શૈક્ષણિક,  દાન  કરવામાં તેમનું સ્થાન પ્રથમ હરોળમાં જ  હોય છે.  શાળા પરિવારે આ અવસરને વધુ ગૌરવમય બનાવતા અભિનંદન પાઠવ્યા. આ પ્રસંગે શાળા પરિવારના તમામ શિક્ષકગણ, વિદ્યાર્થીઓ, વાલીઓ અને અન્ય આગેવાનો ઉપસ્થિત રહ્યા હતા. આ અવસરે શાળાના શિક્ષણ અને સંસ્કારક્ષેત્રે આગળ વધવા માટે સર્વેને પ્રેરણા મળી. શાળાનો અભિગમ: વિદ્યાર્થીઓના સર્વાંગી વિકાસ અને પ્રગતિના માર્ગ પર શાળા સતત પ્રયત્નશીલ છે. આવા પ્રસંગો માત્ર ઉત્સવ નથી પરંતુ શિક્ષણ અને જીવનમૂલ્યને વધુ ઊંડા રીતે સમજનાર સંસ્થા છે.

  શિક્ષણમાં નવતર પ્રયાસો: નાંધઈ પ્રાથમિક શાળામાં અંગ્રેજી તાલીમનું આયોજન. ખેરગામ, 10 ડિસેમ્બર 2024: જિલ્લા શિક્ષણ તાલીમ ભવન, નવસારી અને GCERT ગાંધીનગરના માર્ગદર્શન હેઠળ 9 અને 10 ડિસેમ્બર 2024ના રોજ નાંધઈ પ્રાથમિક શાળા ખાતે ધોરણ 3 થી 5ના અંગ્રેજી વિષયના શિક્ષકો માટે બે દિવસીય તાલીમ સફળતાપૂર્વક પૂર્ણ થઈ. DIETના સિનિયર લેક્ચરરશ્રી રાજેશભાઈ પટેલ અને ખેરગામ તાલુકાના BRC વિજયભાઈ પટેલના ઉદઘાટન માર્ગદર્શન સાથે તાલીમનો પ્રારંભ થયો. શાળાના શિક્ષકો માટે આ તાલીમમાં પ્રાયોગિક અભિગમ પર ખાસ ધ્યાન કેન્દ્રિત કરવામાં આવ્યું, જેમાં અભિનય ગીતો, રમતો, વાર્તાઓ, ચિત્ર વર્ણન અને પ્રવૃત્તિઓ દ્વારા શીખવવાની નવી પદ્ધતિઓ રજૂ કરવામાં આવી. શિક્ષકોના ઊંડા રસ અને ઉત્સાહ વચ્ચે વિષય તજજ્ઞશ્રી રાહુલ રાજુ કુંવર (પ્રા.શાળા તોરણવેરા) અને હિરેનભાઈ પટેલ (લહેરકા ફળિયા પ્રા.શાળા) દ્વારા વિવિધ પ્રવૃત્તિઓ દ્વારા શિક્ષણને સરળ, રસપ્રદ અને અસરકારક બનાવવાના ઉદ્દેશ પર કામ કરાયું. આ તાલીમનો મુખ્ય ઉદ્દેશ શિક્ષકોને એવા ઉપાયો શિખવવાનું હતું જે વિદ્યાર્થીઓમાં અંગ્રેજી વિષય પ્રત્યેનું ભય દૂર કરે અને તેમની નિડરતા વધારે. સાથે જ, ધોરણ 3 થ...

 ખેરગામ તાલુકા પંચાયતના વિકાસ કાર્યોનો પ્રારંભ : વેણ ફળિયા ખાતે ખેરગામ- પીઠા મુખ્ય રોડથી ચેતનભાઈ પટેલના ઘર સુધીના રોડનું ખાત મુહૂર્ત કરાયું. ખેરગામ તાલુકા પંચાયત દ્વારા 2024-25 માટે 15% વિવેકાધિન જોગવાઈ હેઠળ ₹4,60,000 ની મંજૂરીના કાર્યક્રમ હેઠળ ખેરગામ વેણ ફળીયા પીઠા રોડથી ચેતનભાઈના ફળીયા તરફ ડામર રોડના વિકાસ કાર્યનું ખાતમુહૂર્ત કરવામાં આવ્યું. ખાતમુહૂર્ત ખેરગામ ગ્રામ પંચાયતના સરપંચ શ્રી ઝરણાબેન પટેલ તથા પૂર્વ જિલ્લા પંચાયતના સભ્યશ્રી પ્રશાંતભાઈ પટેલના હસ્તે કરવામાં આવ્યું. આ પ્રસંગે ખેરગામ ગ્રામ પંચાયતના સરપંચશ્રી ઝરણાબેન પટેલ ખેરગામ ડેપ્યુટી સરપંચશ્રી/પત્રકાર શ્રી જીગ્નેશભાઈ પટેલ, નવસારી જિલ્લા પંચાયત પૂર્વ સદસ્ય પ્રશાંતભાઈ પટેલ, નવસારી જિલ્લા પંચાયત પૂર્વ સદસ્ય ધર્મેશભાઈ પટેલ, તેમજ અન્ય પંચાયત સભ્યો શૈલેષભાઈ પટેલ, ઉમેશભાઈ પટેલ સાથે ગામના અગ્રણીઓ શ્રી અરવિંદભાઈ પટેલ, પૂર્વ ગ્રામ પંચાયત સદસ્ય શ્રી મંગેશભાઈ પટેલ, શ્રી ચેતનભાઈ પટેલ, શ્રી કિરણભાઈ પટેલ અને શ્રી રાકેશભાઈ પટેલ હાજર રહ્યા હતા. આ વિકાસ કાર્યથી ગામના માર્ગ વ્યવસ્થામાં સુધારો થશે અને લોકો માટે સગવડતા વધશે.

Khergam News : "દિવાળી પર ખેરગામ પોલીસનો અનોખો સંદેશ: ગરીબ બાળકોને ખુશીઓની ભેટ" ખેરગામ પીએસઆઇ ગામીત અને પોલીસ સ્ટાફ દ્વારા આ દિવાળીના પર્વે ગરીબ બાળકો માટે ખૂબ જ સરસ અને સંવેદનશીલ પ્રયાસ કરવામાં આવ્યો. તેઓ બાળકોને ફૂટવેરની દુકાનમાં લઈ ગયા અને તેમણે પોતાને પસંદ હોય તેવા બુટ-ચપ્પલ પસંદ કર્યા. બાળકોના ચહેરા પર દેખાતા આનંદને જોતા, આ એક ખૂબ જ હ્રદયસ્પર્શી ક્ષણ હતી. View this post on Instagram A post shared by @khergam_news_updates આ ઉપરાંત, બાળકોએ દિવાળીના પર્વ માટે ફટાકડા પસંદ કરી શક્યા, જેનાથી તેમના ચહેરા પર ખુશી અને ઉત્સાહ જોવા મળ્યો. આ જ નહીં, પરંતુ ખેરગામ પોલીસે ગરીબ વિધવા મહિલાઓ અને વૃદ્ધ દંપતીને મીઠાઈ આપીને તેમનો પણ ઉત્સવ ઉજવવા માટે પ્રોત્સાહિત કર્યા. આ આદરણીય પ્રયાસને કારણે ખેરગામમાં પોલીસ સ્ટાફનો આ અભિગમ સામાજિક જવાબદારી અને માનવતાના ઉદાહરણ તરીકે લોકોમાં લોકપ્રિય બન્યો.

 Gandevi |Navsari : "ગણદેવી પ્રાથમિક શાળાઓના નવા મકાનોનું લોકાર્પણ: માન. કેબિનેટ મંત્રીશ્રી સી.આર.પાટીલ સાહેબની અધ્યક્ષતા હેઠળ આયોજન" કેન્દ્રિય મંત્રીશ્રી જલ શક્તિ મંત્રાલય શ્રી સી.આર.પાટીલના અધ્યક્ષસ્થાને પ્રાથમિક કન્યાશાળા ગણદેવીના તથા કસ્બાવાડી પ્રાથમિક શાળા ગણદેવીના મકાનોનું લોકાર્પણ કાર્યક્રમ યોજાયો ગણદેવીના વિવિધ વિસ્તારમાં 790 લાખના વિકાસના કામોનું ખાતમૂહુર્ત અને 78.33 લાખના કામોનો લોકાર્પણ કરતા કેબીનેટ મંત્રીશ્રી સી.આર.પાટીલ ‘રેઇન વોટર હાર્વેસ્ટીંગ થકી નવસારી જિલ્લામાં પીવાના પાણીની કોઇ સમસ્યા નહી થાય.’- કેન્દ્રિય મંત્રીશ્રી સી.આર.પાટીલ ’નવસારી જિલ્લો સ્વચ્છતા જાળવવામાં, આદર્શ ગામ, કુપોષણ નાબુદી જેવી અનેક બાબતોમાં સમગ્ર રાજ્યમાં આગ્ર હરોળમાં રહે છે.’ ’- કેન્દ્રિય મંત્રીશ્રી સી.આર.પાટીલ નવસારી,તા.૨૫: આજરોજ નવસારી જિલ્લાના ગણદેવી નગરપાલિકાના પ્રાથમિક કન્યાશાળા ખાતે તાલુકા કક્ષાનો “બાળ વૈજ્ઞાનિક પ્રદર્શન” તથા સમગ્ર શિક્ષા દ્વારા પ્રાથમિક કન્યાશાળા ગણદેવીના મકાન તથા કસ્બાવાડી પ્રાથમિક શાળા ગણદેવીના મકાનો સહિત વિવિધ રૂ.78.33 લાખના કામોનો લોકાર્પણ તથા 790 લાખના વિકાસના કામો...

વાત મારા ગામની : ખેરગામ તાલુકામાં ઔરંગા નદીના કિનારે વસેલું ખૂબસૂરત ગામ ભૈરવી